Shymkentte tótenshe jaǵdaı kezinde kommýnaldyq qyzmet tarıfi tómendedi

ShYMKENT. QazAqparat – Elimizde tótenshe jaǵdaı kezinde óńirlerde kommýnaldyq qyzmet túrleriniń tarıfin tómendetý týraly tapsyrma berilgen bolatyn. Osyǵan qaraı shym qalada tarıfter tómendep, sý men jylýdyń aqysy arzandaǵan, dep habarlaıdy QazAqparat tilshisi.

Qalalyq tabıǵı monopolııalardy retteý departamentiniń málimetinshe, aǵymdaǵy jyldyń 1 sáýirinen bastap birqatar kommýnaldyq qyzmet boıynsha tarıfterdi tómendetý týraly sheshim qabyldanǵan.

«Sýmen jabdyqtaý qyzmetine tarıf – 88,17 teńgeden 83,75 teńgege deıin nemese 5%-ǵa; sý burý qyzmetine tarıf – 35,13 teńgeden 33,38 teńgege deıin (QQS-men birge) nemese 5%-ǵa; «Qýatjylýortalyq-3» MKK ystyq sýmen jabdyqtaý qyzmetine esepteý quraldarymen qamtylmaǵan jeke tulǵalarǵa tarıfi 1 adamǵa 736,53 teńgeden 662,88 teńgege deıin nemese 10%-ǵa; esepteý quraldarymen qamtylǵan jeke tulǵalarǵa ystyq sýmen jabdyqtaý qyzmetine tarıf 1 m3-ge 230,16 teńgeden 207,14 teńgege deıin nemese 10%-ǵa; «Tasqudyq Bak» JShS turǵyndar sýmen jabdyqtaý qyzmetine tarıf 70,99 teńgeden 67,44 teńgege deıin nemese 5%-ǵa; «JeńisT» JShS taýarlyq gazdy tasymaldaý qyzmetine tarıf 3916,82 teńgeden 3720,98 teńgege deıin nemese 5%-ǵa; «Saıram sý» JShS sýmen jabdyqtaý qyzmetine tarıf 72,08 teńgeden 68,48 teńgege deıin nemese 5% -ǵa tómendetildi», delingen habarlamada.