Shymkentte Toqtar Tóleshovtiń isinde ózgerister boldy
ShYMKENT. QazAqparat - Shymkentte qarjylyq qylmystar jasady dep aıyptalǵan Toqtar Tóleshovtiń isinde taǵy ózgerister boldy. Sot burynǵy «Syra koroline» taǵylǵan aıypty «Para berý» babynan «Ókilettikterdi teris paıdalanýǵa» aýystyrǵan. Bul týraly Tóleshovtiń qorǵaýshysy Marhaba Jaqypova málimdedi, dep habarlaıdy QazAqparat HAA tilshisi.
Qorǵaýshynyń sózinshe, baptardyń bulaısha ózgerýine sotta aıyptalyp jatqan salyq qyzmetkerleriniń qylmystyq áreketteri qaıta saralanýyna baılanysty bolǵan. ıAǵnı, olarǵa taǵylǵan aıyptar Qylmystyq kodekstiń 366-baby «Para alý» boıynsha emes, 361-babynyń 2-shi bóligi «Laýazymdyq ókilettikterdi teris paıdalanýǵa» ózgertildi. Soǵan sáıkes, Tóleshovke taǵylǵan aıyp Qylmystyq kodekstiń 367-babynan 250-bapqa aýystyrylǵan.
Marhaba Jaqypova sondaı-aq syra zaýytynyń memleketke 1 mlrd teńgeden astam qaryzdanyp qalýyn Toqtar Tóleshov bilmegenin alǵa tartady. Ony qarjylyq jumystaryn júrgizgen esepshiler bilgen dep otyr.
Eske sala ketsek, «Syra koroli» Toqtar Tóleshov pen onyń segiz sybaılasyna qatysty sot otyrysy 10 shildede bastalǵan bolatyn. Tóleshovtiń isi boıynsha ótip jatqa sotta taǵy segiz adamnyń isi qaralýda. Olardyń qatarynda Shymkent qalasynyń Eńbekshi aýdany boıynsha memlekettik kirister basqarmasynyń 4 qyzmetkeri men syra jáne shyny shyǵaratyn zaýyttyń esepshileri, syra zaýyty dırektorynyń burynǵy orynbasary men jergilikti kásipker bar.
