Shymkentte toǵyz qabatty úıde gaz ballony jaryldy

ShYMKENT. QazAqparat - Shymkentte toǵyz qabatty úıde jarylys bolyp, jumysshy jaraqat aldy, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, jarylys kúndizgi saǵat 16:27-de Jeltoqsan kóshesindegi kópqabatty úıde bolǵan. Oqıǵa ornyna jetken órt sóndirýshiler jarylystyń 1-qabattaǵy dúkenniń ishinde qurylys jumysy kezinde bolǵanyn anyqtaǵan. Gaz aýa qospasynyń jarylysy saldarynan 10 sharshy metr aýmaqta plastıkalyq qubyr janǵan.

Tótenshe oqıǵa kezinde 11 órt sóndirýshi men 2 tehnıka, Apattar medıtsınasy ortalyǵy fılıalynyń 1 brıgadasy jumyldyryldy.

«Tarsyl saldarynan 2002 jyly týǵan er adam jaraqat alyp, aýrýhanaǵa jatqyzyldy. Órt saǵat 17:02-de oqshaýlanyp, saǵat 17:18-de tolyǵymen sóndirildi. Órttiń shyǵý sebebi anyqtalýda» delingen habarlamada.