Shymkentte toǵyz qabatty turǵyn úıden órt shyqty

NUR-SULTAN. QazAqparat - Shymkent qalasyndaǵy toǵyz qabatty turǵyn úıden órt shyqty, dep habarlaıdy QazAqparat tilshisi qalalyq tótenshe jaǵdaılar departamentine silteme jasap.

Oqıǵa 27 tamyzda saǵat 18.02-de Qarataý aýdanyndaǵy Nursát-2 shaǵynaýdanynda ornalasqan №20 turǵyn úıde boldy. Toǵyzynshy qabatty turǵyn úıdiń 2 jáne 9 qabaty aralyǵyndaǵy aýmaǵy 55 sharshy metrdi quraıtyn syrtqy qaptama men segizinshi qabattaǵy №48 páterde as úıdiń 18 sharshy metri órtengen.

«Órt 18.30-da aýyzdyqtalyp, 18.48-de tolyqtaı sóndirildi. Qaza bolǵandar men zardap shekkender joq. Órtten barlyǵy 20 adam qaýipsiz jerge kóshirildi. Olardyń arasynda 8-i bala. Oqıǵa ornynda Tótenshe jaǵdaılar departamenti (28 qyzmetker men 7 tehnıka), medıtsınalyq apattar ortalyǵy (3 qyzmetker men 1 tehnıka) mamandary boldy», - dep jazylǵan TJD taratqan habarlamada.