Shymkentte tóbelesken jastar arasynda atys boldy

ShYMKENT. QazAqparat – Shymkent qalasynda eki toptyń arasyndaǵy tóbelestiń sońy atysqa ulasqan. Oq tıgen jigittiń biri túrli jaraqatpen aýrýhanaǵa jetkizildi, dep habarlaıdy QazAqparat tilshisi.

Qalalyq PD baspasóz qyzmetiniń málimetinshe oqıǵa 6 qańtarda keshki saǵat 21:00-der shamasynda dámhanalardyń birinde bolǵan.

«Eki topqa bólingen jigitter tóbelesken, «Hyundai Accent» markaly avtokólik júrgizýshisi men jolaýshysyna qaraı birneshe ret oq atylǵan. Bir adam túrli jaraqatpen aýrýhanaǵa jetkizildi. Oqıǵaǵa qatysty QR Qylmystyq kodekstiń 3 babyna sáıkes «adam óltirýge oqtalý», «buzaqylyq» jáne «qarýdy zańsyz alyp júrý» boıynsha sotqa deıingi tergeý amaldary bastaldy» delingen habarlamada.

Osy oqıǵaǵa baılanysty tıisti sot-medıtsınalyq saraptamalar taǵaıyndalǵan. Sondaı-aq, jedel-izdestirý is-sharalary barysynda polıtsııa tóbeleske qatysqan jigitterdiń barlyǵyn ustady.