Shymkentte tóbeles kezinde 30 jastaǵy er adam kóz jumdy
ASTANA. QazAqparat - Shymkentte 30 jastaǵy er azamattyń ólimine qatysty qylmystyq is qozǵaldy, dep habarlaıdy OQO ІІD baspasóz qyzmetinen.
Búgin saǵat 5.20 mınýt shamasynda OQO ІІD Jedel josparlaý ortalyǵyna kóshe qıylystarynyń birinde er azamattar arasynda tóbeles oryn alyp, nátıjesinde bireýi qarýdan jaraqat alǵany týraly habar kelip túsken.
Ál-Farabı PB-niń jedel-tergeý toby oqıǵa ornyna barǵanda Táýke han dańǵyly men Qazybek bı kóshesi qıylysynda arqa tusynan oq jaraqatyn alǵan er azamattyń denesin tapty. Ol 1986 jyly týylǵan Shymkent qalasynyń turǵyny ekeni belgili boldy, alǵan dene jaraqatynan oqıǵa ornynda qaza bolǵan.
Polıtseıler anyqtaǵandaı, kafelerdiń biriniń mańynda er azamattar tobynyń arasynda kelispeýshilik oryn alyp, sońy tóbeleske ulasqan. Nátıjesinde belgisiz tulǵa anyqtalmaǵan qarýmen oq atyp, oqıǵa ornynan izin sýytqan.
Atalǵan jaıt Shymkent QІІB Ál-Farabı PB SDTBT tirkelip, QR QK 99-baby «Adam óltirý» boıynsha qylmystyq is qozǵaldy. Aıǵaqty zattar tárkilendi. Saraptama taǵaıyndaldy.
Qazirgi tańda tártip saqshylary oqıǵanyń oryn alý barysyn anyqtaýda. Kúdiktini anyqtaý jáne quryqtaý maqsatynda barlyq jedel is-sharalar júrgizýde. Sotqa deıingi tergeý amaldary júrgizilýde.
