Shymkentte terrorızmdi nasıhattaǵan turǵyn sottaldy
ShYMKENT. QazAqparat - Shymkentte terrorızmdi nasıhattaǵan turǵynǵa qatysty sot úkimi shyqty. Qarataý aýdandyq soty D.ıA atty aıyptalýshyny jarııaly túrde terrorızm mazmunyndaǵy materıaldardy taratqany úshin kináli dep taýyp, alty jylǵa bas bostandyǵynan aıyrdy, dep habarlaıdy QazAqparat tilshisi.
Oblystyq sottyń baspasóz qyzmeti habarlaǵandaı, aıyptalýshy «Whats App» áleýmettik jelisindegi «Mýslım Va Mýslımalar» atty topqa múshe bolyp, zań júzinde tyıym salynǵan materıaldardy taratqan. «Al-Ihvan al-Mýslımýn» halyqaralyq terrorıstik uıymynyń kózqarastaryna jatatyn terrorızmdi nasıhattaý jáne terrorızm belgileri bar materıaldardy birneshe ret jelige júktegen.
Tergeý barysynda aıyptalýshynyń qylmysy tolyǵymen dálelin taýyp, onyń jasaǵan qylmysynyń qoǵamǵa qaýiptiligi men sıpaty eskerilgen. D.ıA-nyń ústinen Qylmystyq kodekstiń 256 baby, 2 bóligi «Terrorızmdi nasıhattaý nemese terrorızm aktisin jasaýǵa jarııa túrde shaqyrý» boıynsha is qozǵalyp, sottaldy. Jazasyn qylmystyq - atqarý júıesiniń ortasha qaýipsiz mekemesinde óteıtin bolady.
