Shymkentte terezeden qulap ketken 5 jasar bala aýrýhanaǵa jetkizildi

ShYMKENT. QazAqparat - Shymkentte bes jasar bala terezeden qulap ketti. Jedel járdemmen aýrýhanaǵa jetkizilgen balanyń jaǵdaıyn dárigerler aýyr dep baǵalap otyr, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, oqys oqıǵa kúndizgi saǵat 15:19-da Aqjaıyq shaǵynaýdanyndaǵy №2 bes qabatty kóppáterli turǵyn úıde bolǵan. Eresekterdiń qaraýynsyz qalǵan ul bala abaısyzda úshinshi qabattaǵy páterdiń terezesinen qulaǵan.

«Bala dereý balalar aýrýhanasyna jetkizilip, «bel omyrtqasynyń synýy, ishtiń tútikken jaraqaty, jabyq bas súıek-mı jaraqaty» degen dıagnoz qoıyldy, jaǵdaıy aýyr. Jyl basynan beri qalada 5 terezeden qulaý oqıǵasy tirkeldi. Barlyq jaǵdaıda balalar jaraqat alǵan»,- delingen habarlamada.