Shymkentte teplovozben soqtyǵysyp qalǵan júk kóliginiń júrgizýshisine ákimshilik is qozǵaldy
Temirjoldaǵy apat búgin kúndiz 15:30-da «Toǵys- Leńgir» temirjolynyń 17-shi shaqyrymynda bolǵan. Jıyrma vagon tıelgen teplovoz toqtap qalǵan. Biraq eki júrgizýshi de aman. Kýágerler bul jaǵdaıdy uıaly telefondarynap túsirip, áleýmettik jelige taratty. Qazir bul derek boıynsha qalalyq Polıtsııa departamentiniń qyzmetkerleri tekserý sharalaryn bastap ketti.
«Júk kóligin tizgindegen júrgizýshi Túrkistan oblysy, Tólebı aýdanyna qarasty Jylanbuzǵan aýylynyń turǵyny ekeni anyqtaldy. Shymkent qalalyq Patrýldi polıtsııa polkynyń qyzmetkerleri tarapynan júrgizýshige qatysty QR ÁQBtK-niń 610 babymen «Kólik quraldary júrgizýshileriniń jol júrisi qaýipsizdigin qamtamasyz etýdiń belgilengen qaǵıdalaryn kólik quraldaryn, júkterdi, joldardy, jol qurylystary men basqa qurylystardy nemese ózge de múlikti búldirýge ákep soqqan, materıaldyq zalal keltirgen buzýshylyǵy» ákimshilik is qozǵaldy.