Shymkentte tennısten halyqaralyq «Shimkent-Challenger» týrnıri bastaldy
ShYMKENT. QazAqparat - Búgin Shymkentte tennısten «Shimkent-Challenger» halyqaralyq týrnıriniń saltanatty ashylý rásimi bolyp ótti. Álemniń 18 elinen kelgen sportshylar kort alańynda básekelesti, dep habarlaıdy QazAqparat HAA tilshisi.
Týrnırdiń ashylý saltanatynda Qazaqstan tennıs federatsııasynyń vıtse-prezıdenti Dıas Dosqaraev qatysýshylarǵa sáttilik tilep, jergilikti jastardyń jigerin qamshylady. Baıraqty básekede el quramasynyń tennısshileri Aleksandr Nedovesov pen Andreı Golýbev óner kórsetýde. Al, tústik óńirdiń 1-shi raketkasy Roman Hasanov argentınalyq Ronald Paspen qarym-qabiletin paıymdamaq.
Aıta keteıik, jarystyń jalpy júlde qory - 50 myń AQSh dollaryn quraıdy. 1-shi oryn ıegerine 8 myń dollar qarjylaı syılyq beriledi.
