Shymkentte «Temirlan izimen» týrıstik marshrýty ashyldy
Qalalyq Týrızm basqarmasynyń málimetinshe, atalǵan aqparattyq týr aıasynda týr qatysýshylary Qazaqstan, Qyrǵyzstan, Ózbekstan jáne Tájikstan nysandaryna saıahattaı alady. Atalǵan basqarma sondaı-aq, Túrkistan, Jambyl jáne Almaty oblystarymen birlesip «Jańa Jibek Joly» biryńǵaı baǵdaryn qurý máselesin pysyqtaýda. Búgingi kúni atalǵan óńirlerdiń ákimdikteriniń ókilderinen qurylǵan jumys toby Jambyl, Túrkistan oblystary men Shymkent qalasy bóligindegi marshrýtty synaqtan ótkizdi. Jyl sońyna deıin Almaty oblysy boıynsha test-týr uıymdastyrý josparlanǵan. Sonymen qatar, Týrısterge aqparattyq qoljetimdilikti arttyrý úshin basqarma tarapynan «Shymkent qalasynda 24 saǵat», «Tarıh izimen», «Shymkent balalarǵa» taqyryptarynda 60 myń búkteme, 77 myńnan astam týrıstik karta, «Shymkent qalasyndaǵy úlken ekskýrsııa» atty 350 kitap shyǵaryldy. Bul materıaldar qalanyń týrıstik ındýstrııa obektilerinde (qonaq úıler, SOO, áýejaı) ornalastyrylǵan jáne basqarmamen jańartylyp otyrady. Al, keler jyly birneshe baǵyttar boıynsha Shymkent jáne Túrkistan oblysynyń kıeli nysandary», «Týrıstik baǵyttar», «Qala oqıǵalary» sııaqty jarnamalyq materıaldar shyǵarý josparlanýda. Sonymen qatar, qasıetti nysandardyń 3D kartalary men fotokitaptar t.b. shyǵarý kózdelgen.
