Shymkentte «telefon lańkesi» ustaldy
ShYMKENT. 10 aqpan. QazAqparat - Shymkent qalasynda polıtsııa qyzmetkerleri «telefon lańkesin» ustady, dep habarlady Ońtústik Qazaqstan oblysy ishki ister departamentiniń baspasóz qyzmeti.
OQO ІІD jedel basqarý ortalyǵynyń «102» nómirine kóp qabatty úı páterleriniń birine bomba salynǵany týraly habarlama kelip tústi. Eger bireý esigin ashsa, qurylǵynyń jarylatyny aıtyldy», - dep habarlady ІІD baspasóz qyzmetiniń jetekshisi Saltanat Qarakózova.
Onyń aıtýynsha, oqıǵa ornyna OQO ІІD, TJ, jedel medıtsınalyq kómektiń barlyq kúshteri men quraldary toptastyryldy. Aýdan qorshaýǵa alynyp, úıdiń turǵyndary shyǵaryldy. Tekserý nátıjesinde saperler jarylǵysh zatty tappady. Habarlama jalǵan bolyp shyqty.
«Telefon soqqan jergilikti 29 jasar azamat eken. Mas bolǵandyqtan ne úshin habarlaǵanyn túsindirip aıta almady. Ol qamaýǵa alyndy. Ustalǵan azamatqa qatysty «Lańkestik aktisi týraly kórineý jalǵan aqparat berý» baby boıynsha qylmystyq is qozǵaldy», - dep habarlady S.Qarakózova.
