Shymkentte tek erler qatysqan senbilik ótti

TÚRKІSTAN. QazAqparat - Shymkentte tek erler qatysqan jalpyqalalyq senbilik ótti. Kóktemniń alǵashqy senbiligin jigitter qaýymy 8 naýryz Halyqaralyq áıelder kúnine arnady, dep habarlaıdy QazAqparat tilshisi.

Tazalyq sharasyna qala ákimi Ǵabıdolla Ábdirahymov pen depýtattar, barlyq mekeme qyzmetkerleri men qala turǵyndary belsene atsalysty. Erler qaýymy «Táýelsizdik» saıabaǵyna qylqan japyraqty jáne basqa da aǵash kóshetterin otyrǵyzyp, tazalyq jumystaryn júrgizdi. Senbilikke qatysqan 18 myńnan astam qala turǵyny barlyq aýdan qalalardyń saıabaqtaryn, gúlzarlaryn, aýlalary men kóshelerin jáne aryq-atyzdardy qoqystan tazartty.

Jalpy bul kúni qaladaǵy 43 shaqyrym júrginshi joly, 131 shaqyrym bolatyn kóshe boılary men 47 shaqyrym ırrıgatsııalyq júıeler tazartyldy. 354 tonna qoqys shyǵarylǵan jumysqa 50 shaqty tehnıka jumyldyryldy.