Shymkentte tehnıkalyq qyzmet kórsetý ortalyǵy órtenip, 3 júk kóligi zaqymdandy

ShYMKENT. QazAqparat - Shymkentte tehnıkalyq qyzmet kórsetý ortalyǵynan órt shyǵyp, 3 júk kóligine zaqym keldi, dep habarlaıdy QazAqparat tilshisi.

Oqıǵa Turan aýdanyna qarasty Almaty tasjoly boıynda boldy. Júk kólikterine tehnıkalyq qyzmet kórsetý ortalyǵynyń 200 sharshy metr aýmaǵy órtenip ketti. Sondaı-aq, jalynnyń ásirinen 3 júk kóligi zaqymdandy.

«Órt saǵat 05.02-de oqshaýlanyp, 05.20-da tolyǵymen sóndirildi. Jalpy bul jumystarǵa 10 órt sóndirý tehnıkasy, jeke quramnan 59 qyzmetker jáne apattar medıtsınasy ortalyǵynyń mamandary jumyldyryldy» - delingen Shymkent qalasy Tótenshe jaǵdaılar departamentiniń qoǵammen baılanys toby taratqan aqparatta.