Shymkentte tegin kontsertke kelgen jastar birin-biri taptap kete jazdady
Áleýmettik jelide taraǵan vıdeodan ǵımarat aldyna jınalǵan jastardyń kontsertke kire almaı turǵanyn kórýge bolady. Keıinnen olar ishten qulyptanǵan esikti julqyp ashyp, zalǵa tap qoıǵan.
Shymkent qalasy Іshki saıasat jáne jastar isteri jónindegi basqarmanyń málimetinshe, qazirgi tańda shahardyń polıtsııa qyzmetkerleri kontsertti uıymdastyrǵandardy ákimshilik jaýapkershilikke tartý jumystaryn júrgizip jatyr.
«Qoǵamdyq qaýipsizdikti saqtaý maqsatynda uıymdastyrýshylar kontsertti ótkizbeý týraly sheshim qabyldady. Bul sheshim kórermenge jarııalanyp, saǵat 20:00-de jınalǵandar tarqady», - delingen basqarma habarlamasynda.
Jalpy kontsertti «Meyirimdi asyladam» qaıyrymdylyq qory uıymdastyrǵan. Bastapqyda «Naýryz» alańynda juldyzdar men blogerlerdiń qatysýymen tegin qaıyrymdylyq kontsert ótkizbekshi bolǵan olar, shara jergilikti bılik jáne quqyq qorǵaý organdarymen aldyn ala kelisilmegendikten ruqsat ala almaǵan. Sodan «Túrkistan» mádenıet saraıynyń ókilderimen shart jasasqan.
«Túrkistan» mádenıet saraıyna shamamen 2 500 adam jınaldy. Alaıda, ondaǵy syıymdylyq 1 300 orynǵa laıyqtalǵan. Osyǵan baılanysty saǵat 19:00-de zal toly boldy. Osydan keıin Qarataý aýdanynyń ákimi R.Múlkemanov pen Shymkent qalasy Polıtsııa departamenti jergilikti polıtsııa qyzmetiniń qyzmetkerleri uıymdastyrýshylarmen qoǵamdyq qaýipsizdikti qamtamasyz etý boıynsha túsindirý jumysyn júrgizdi», - delingen Shymkent qalasy Іshki saıasat jáne jastar isteri jónindegi basqarmasynyń málimetinde.
