Shymkentte tegin azyq-túlik taratyldy

ShYMKENT. QazAqparat - Shymkentte Táýelsizdik kúni merekesine oraı jáne «Shymkent - qaıyrymdy qala» aktsııasy aıasynda qaıyrymdylyq shara uıymdastyryldy. Qalalyq jumyspen qamtý jáne áleýmettik qorǵaý basqarmasy men «Meıirim» qaıyrymdylyq portaly, «Іzgilikte jarysaıyq» qaıyrymdylyq qoǵamdyq qory 100 otbasyna azyq-túlik pen kıim-keshekter, turmystyq hımııalyq zattar taratty, dep habarlaıdy QazAqparat tilshisi.

Basqarma basshy Ǵalymjan Baltaev muqtaj turǵyndardy Ulyq merekemen quttyqtap, olardy qıyn jaǵdaıǵa túsken otbasylaryn qoldaýǵa baǵyttalǵan memlekettik baǵdarlamalarmen tanystyrdy. Sala ókilderi búginde turmys taýqymetin tartqan qala turǵyndaryn tek birrettik kómekpen qamtýmen shektelmeı, memlekettik baǵdarlamalardy tıimdi paıdalanyp, jumysqa tartýda. Sondaı-aq qysqa merzimdi oqytý kýrstaryna baǵyttap, kásip ashýyna jol ashyp otyr. Úshinshi megapolıste «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan »Eńbek« baǵdarlamasy» aıasynda kásiptik-tehnıkalyq mamandardy daıarlaý baǵytyndaǵy sharalar da júıeli atqarylyp keledi. Ǵalymjan Baltaevtyń aıtýynsha, shaharda jyl basynan beri 4 myńnan asa azamat naryqtyq suranysqa ıe mamandyqtardy ıgerýge joldanǵan. Aǵymdaǵy jyldyń 1 jeltoqsanyna deıin 15 myńǵa jýyq azamat turaqty jumysqa ornalastyryldy. Aıta keteıik, sharaǵa psıholog-mamandar da atsalysty.Bilikti mamandar áleýmettik turǵydan az qamtylǵan turǵyndarǵa psıhologııalyq trenıng ótkizip, olardyń qıyn-qystaý kezeńnen shyǵýyna keńesterin berdi.