Shymkentte táýlik boıyna kezekshilikte júrgen dárigerlerge qonaqúıden oryn berildi
Bul sharalar qaýipti oshaqta jumys isteıtin emdeý mekemeleri qyzmetkerleriniń otbasyn saqtaý maqsatynda jáne qaýipsizdik jumystaryn kúsheıtý úshin qolǵa alynyp otyr, dep habarlaıdy QazAqparat tilshisi.
Qalalyq tótenshe jaǵdaılar shtabynyń málimetinshe, qonaqúıde koronavırýspen kúresip jatqan 100-den astam qyzmetkerge oryn daıyndalǵan. Onda qalalyq juqpaly aýrýlar aýrýhanasynyń qyzmetkerleri tynyǵyp, demalýyna barlyq jaǵdaı jasalǵan. Kúndelikti úsh mezgil tamaqpen qamtylyp, bólmeleri dezınfektsııalanyp turady.
Aıta keteıik, kúni búgnge deıin 1290 medıtsıtsına qyzmetkerine ústemeaqy tólendi. Ústemeaqy alǵandar qatarynda reanımatsııa bólimderi men juqpaly aýrýlar statsıonarlarynyń dárigerleri, karantındik aımaqtaǵy orta jáne kishi medıtsına qyzmetkerleri bar. Sondaı-aq provızorlyq statsıonar men jedel járdem qyzmetiniń dárigerleri men jedel-járdem júrgizýshileri de ústemeaqy alǵan.