Shymkentte Táýelsizdik merekesi qarsańynda jańa nysandar paıdalýǵa berildi

ShYMKENT. QazAqparat – El Táýelsizdiginiń 28 jyldyǵy qarsańynda Shymkent qalasynda jańa birneshe oıyn alańshalary el ıgiline tapsyryldy. Saltanatty ashylýǵa arnaıy qatysqan qala ákimi Erlan Aıtahanov turǵyndardy aıtýly merekemen quttyqtady, dep habarlaıdy QazAqparat tilshisi.

Atalmysh nysandardy memlekettik-jekeshelik áriptestik aıasynda «STRONG SERVICE» JShS-i júzege asyrdy. Kompanııa 11 ashyq sport, 4 balalar oıyn alańshalaryn jáne 5 trenajer alańshasynyń qurylysyn aıaqtady. Jalpy, ınvestıtsııa kólemi 550, 7 mıllıon teńgeni qurady. Nysandardyń ashylý saltanatynda shahar basshysy Erlan Aıtahanov Shymkent qalasynyń kúnnen kúnge kórkeıip, abattanyp kele jatqanyn atap ótti.

«Shymkent – mádenı, ekonomıkalyq jáne áleýmettik turǵydan damyǵan shaharǵa aınalmaq. Keler jyly TMD elderiniń mádenı astanasy, «ekinshi ustaz» atanǵan Ál-Farabıdiń 1150 jyldyǵy jáne Abaıdyń 175 jyldyǵyn atap ótý josparymyz - solardyń aıǵaǵy. Bizdiń negizgi maqsat – bıýdjetke júk salmaı, memlekettik-jekemenshik áriptestikter jáne jeke ınvestıtsııalar tartý arqyly qordalanǵan máselelerimizdi sheshý. Mine, búgin Táýelsizdik merekesi qarsańynda ashylyp otyrǵan sport alańshalary turǵyndarynyń súıikti demalys aımaǵy men jastarymyzdyń shynyǵatyn negizgi ornyna aınalatynyna bek senimdimin. dy Egemendigimiz eńseli, táýelsizdigimiz tuǵyrly bolǵaı», - dedi Erlan Aıtahanov.