Shymkentte taýarlar eki ese arzan baǵamen satyldy
ASTANA. QazAqparat - Búgin oblys ortalyǵy - Shymkent qalasynda Qazaqstan Respýblıkasynyń Tuńǵysh Prezıdenti kúnine oraı azyq-túlik taýarlaryna qaıyrymdylyq aktsııasy uıymdastyryldy. Jármeńke túrinde ótkizilgen sharada turǵyndar taýarlardy naryqtaǵy baǵadan 2 esege tómen baǵada satyp aldy, dep habarlaıdy ákimniń baspasóz qyzmeti.
Qaladaǵy baǵa saıasatyn turaqtandyryp, turǵyndarǵa merekelik kóńil-kúı syılaǵan aktsııany oblys pen qala ákimdigi uıymdastyryp otyr. Munda 300-ge jýyq kásipker óz ónimderin qala turǵyndaryna arzan baǵada usyndy. Onda tek satyp alýshyǵa ǵana emes, taýar óndirýshi men sharýaǵa da qolaıly jaǵdaı jasaldy. 
Qajetin alyp, qarajatyn únemdegen halyqtyń kóńil-kúıi kóterińki boldy. Sebebi, jármeńkedegi taýardyń baǵasy kóńil qýantady. Máselen, kartop pen sábiz 50 teńgeden satylsa, qyryqqabattar 30 teńgeden saýdalandy. Sondaı-aq, sıyrdyń eti 1050 teńge kóleminde boldy.
Shymkentte bul jármeńke apta saıyn turaqty túrde ótip kelgen. Biraq, búgingi jármeńke Tuńǵysh Prezıdent kúnine oraı ótkizilip otyrǵandyqtan qoıylǵan taýar túrleri eselenip, baǵasy eki esege tómen saýdalandy. 
