Shymkentte tasqynnan zardap shekken Eltaı aýylynyń turǵyndary baspanaly boldy

ShYMKENT. QazAqparat – Shymkentte sý tasqynynan zardap shekken Eltaı aýylynyń turǵyndary búgin baspanaly boldy. Qala ákimi Murat Áıtenov 5 otbasyǵa jańa úılerdiń kiltin tabys etti, dep habarlaıdy QazAqparat tilshisi.

Qurylysy bir jarym aıda aıaqtalǵan úılerdiń aýmaǵy 112,36 sharshy metrdi quraıdy. Al, qabyrǵalary gazabloktan qalanǵan. Shatyry profnastılmen jabylǵan. Budan bólek, ishki jáne syrtqy árleý jumystary da tolyq júrgizilgen. Jańa baspanalardy «Bi Group» kompanııasy óz qarjysy esebinen salyp berdi. Aýyl turǵyndaryn jańa qonysymen quttyqtaǵan qala basshysy atalmysh qurylys mekemesine alǵysyn jetkizdi.

Aıta keteıik, kóktemgi mezgilde sý basqan Eltaı turǵyn alabyn qaıta qalpyna keltirý jumystary áli kúnge jalǵasýda. Munda 5,5 shaqyrymdy quraıtyn 3 kóshe men 1 kópirge ortasha jóndeý júrgizilip jatyr. Bul jumystarǵa bıýdjetten 186,5 mln teńge qarjy qarastyrylǵan.