Shymkentte tasqyn sýdan zaqymdanǵan 38 úı jóndeýdi qajet etedi

ShYMKENT. QazAqparat – Shymkentte tasqyn sýdan zaqymdanǵan 38 úı jóndeý jumystaryn qajet etedi. Bul týraly tabıǵı apattyń saldaryn joıý jáne aldyn alý jumystary boıynsha ótken jıynda qalalyq TDJ bastyǵy Nurbolat Derbisov málim etti, habarlaıdy QazAqparat tilshisi.

Departament bastyǵynyń aıtýynsha, tasqyn sýdan Eltaı turǵyn alabynda jaramsyz hálge túsken úıler joq. Degenmen birqatar baspanalar zaqymdanǵan. Munan bólek, 12 qora-qopsy qulaǵan. Bul nysandardyń qujaty bolmaǵandyqtan, qoraǵa memleket tarapynan ótemaqy tólenbeıdi. Sondaı-aq, eki bas iri qara mal sýǵa aǵyp ketken. Jıynda sóz alǵan qala ákiminiń birinshi orynbasary Erbol Sadyr sý tasqynynyń saldaryn anyqtaý jáne keltirilgen shyǵyn kólemin esepteý jumystaryn arnaıy qurylǵan komıssııa júrgizetinin atap ótti.

«Mamyr aıynyń 13-nen 14-ne qaraǵan túni 40 mınýtta jarty aılyq jaýyn jaýǵan. Sonyń nátıjesinde, Badam ózeni arqyly ótken sý mólsheri sekýndyna 146 tekshe metrge deıin jetken. ıAǵnı, sý orta qalypty jaǵdaıdan jeti ese kóp bolǵan. Qazir sekýndyna 49 tekshe metr sý ótýde. Bul degenimiz, ózen sýy tómendep jatqanyn kórsetedi. Qaladaǵy jaǵdaıǵa baılanysty aýyl sharýashylyǵy, energetıka basqarmasymen qaladaǵy qaýip tóndiredi degen jerlerdi anyqtap shyqtyq. Soǵan baılanysty 4 aýdannyń ákimderine tapsyrma berildi. Máselen, Abaı aýdany Badam ózeniniń jaǵalaýyn bekitý boıynsha qajetti jumystardy júrgizip jatyr»,- dedi Erbol Sadyr.

Aıta keteıik, aýa-raıyn boljaýshylar Shymkentte aldaǵy kúnderi de jaýyn-shashyn bolatynyn aıtady. Sol sebepti, qala basshylyǵy saqtyq sharalaryn kúsheıtpek.