Shymkentte taqtatas munaıyn óndirý joldary talqylandy
Basqosýda mamandar munaı óndirýde dástúrli tásilderden qıyn qorlardy ıgerýge aýysý qajet ekenin atap ótti.
«SAÝTS-OIL» kompanııasynyń usynysymen munaıdy jańadan ári qıyn tásildermen izdestirý jóninde zań qabyldandy. Konferentsııada osy máselege qatysty Reseı, AQSh, Qytaıdyń jetekshi mamandary pikir bildirip, usynystaryn ortaǵa saldy. Elimizde jańadan úlken ken oryndaryn ashýymyz kerek. Bizdiń elde mundaı munaı áli óndirilgen joq. Biraq, munaı bar ekeni ǵylymı turǵyda dáleldengen», - dedi QR munaıshy-geologter qoǵamynyń prezıdenti Baltabek Qýandyqov.
«SAÝTS-OIL» qara altyn óndirýde jetekshi ondyqqa kiretin irgeli kásiporyn sanalady. 20 jyldyq tájirıbesi bar kompanııa osy kúnge deıin 10 mln tonna munaı, 750 mln tekshe metr gaz óndirgen. Qazynaǵa 227 mlrd teńgeden astam salyq tóledi. Kompanııa jumys istegen kezeńinde Keńlik, Ońtústik-Batys Qarabulaq, Shyǵys Aqshabulaq, Aqtaý, Esjan jáne t.b. 10 munaı-gaz ken orny ashyldy. Jıynda kásiporynnyń jańa jobalary da keńinen tanystyryldy.
«Búgingi alqaly jıynnyń mańyzy óte zor. Óıtkeni, úlken jobalarǵa ǵylymı sheshimder qabyldanyp, sony iske asyrýǵa baǵdarlama beriledi. Sóıtip, ol zańdastyrylady. Onyń ishinde eń keregi ekologııa týraly jobalar bolady. Ońtústik Torǵaı basseıninen óndirilgen taqtatas munaıynyń alǵashqy qory memleketke ótkizildi. Endi kompanııa aldaǵy úsh jylda 15 uńǵyma qazyp, 9 myńǵa jýyq adamdy turaqty jumysqa tartpaq», - dedi «SAÝTS-OIL» kompanııasynyń prezıdenti Serikjan Seıitjanov.
Sheteldikterdiń qatysýynsyz ashylǵan kompanııa birqatar óńir ekonomıkasynyń damýyna zor yqpal etetin aýqymdy jobalardy iske qosty.
«SAÝTS-OIL» ken ıgeretin operatordan elde jáne shetelde tanymal iri jeke kompanııaǵa aınaldy. Seriktestik 20 jyl boıy qalalar men aýyldardyń ómirin jaqsartýǵa baǵyttalǵan áleýmettik ınvestıtsııalyq jobalardy júzege asyryp keledi. Kompanııa jyl saıyn óndiris shyǵyndarynyń 3%-in áleýmettik salaǵa baǵyttaıdy. Búginde kompanııa dástúrli emes kómirsýtektiń alǵashqy kólemin óndirdi», - dedi «SAÝTS-OIL» vıtse-prezıdenti Shaıhan Muhametrahımov.
Bıyl QR paıdaly qazba qorlary jónindegi memlekettik komıssııada «SAÝTS-OIL» Qaraǵansaı ýchaskesiniń taqtatas munaı qorlaryn esepteý esebin qorǵady. Osylaısha, otandyq tarıhta dástúrli emes kómirsýtekterdi barlaý jáne óndirýge alǵashqy jáne mańyzdy qadam jasaldy.
