Shymkentte taǵy bir turǵyndy poıyz basyp ketti
ShYMKENT. QazAqparat - Shymkentte taǵy bir turǵyndy poıyz basyp ketti. Marqumdy Semeı-Qyzylorda baǵytyndaǵy otarba qaǵyp ketken, dep habarlaıdy QazAqparat tilshisi.
Qaıǵyly jaǵdaı tańǵy 5-ter shamasynda qaladaǵy temirjoldyń 3284-shi shaqyrymynda bolǵan.
«№ 022Ts Semeı - Qyzylorda poıyzy 30-35 jas shamasyndaǵy azıat násildi er adamdy qaǵyp ketti. Qazir onyń tulǵasy anyqtalyp, anyqtaý jumystary júrgizilýde», - dedi Shymkent stantsııasy Іshki ister jelilik qyzmetiniń ókilderi.
Ázirge qaıǵyly jaǵdaıdyń kimniń kinásinen oryn alǵany belgisiz bolyp otyr.
Aıta keteıik, jýyrda ǵana «Mankent-Sastóbe» stantsııasynda taýar tasymaldaıtyn poıyz eki adamdy qaǵyp, mert qylǵan edi. Keıinnen baqılyq bolǵan er adamnyń temir joldan ótip bara jatqan eki boıjetkendi qutqarmaq bolǵany anyqtalǵan bolatyn.
