Shymkentte taǵamnan ýlanǵan eki bala kóz jumdy
3 qarasha kúni tańerteń saǵat 10:30-dar shamasynda aýrýhanaǵa «taǵamnan ýlaný» dıagnozymen bir otbasynyń úsh balasy men anasy kelip túsken.
Qutqarýshylardyń habarlaýynsha, otbasy Eńbekshi aýdanynyń Aldııarov kóshesindegi kóp qabatty úıde turady.
«Tańerteń saǵat 04:42-de osy mekenjaı boıynsha jedel járdem shaqyrdyq. Jedel járdem qyzmetkerleri «tamaqtan ýlaný» (tamaqtan ýlaný, qusý jáne otbasynyń barlyq múshelerinde ishte aýyrsyný belgileri bar) dıagnozyn qoıyp, em taǵaıyndady», - deıdi kóz jumǵan balalardyń ákesi,
Onyń aıtýynsha, tańerteń jaǵdaıy nasharlap, saǵat 09:37-de qosymsha jedel medıtsınalyq kómek shaqyrǵan. Jedel járdem anasy men 3 balany ınfektsııalyq aýrýhanaǵa alyp ketken.
«Juqpaly aýrýlar aýrýhanasynan dárigerdiń taǵaıyndaý boıynsha toksıkologııalyq bólimshesine 1987 jyly týǵan anasy, 2018 jyly týǵan uly jáne 2008 jyly týǵan qyzy aýrýhanaǵa jatqyzyldy. Saǵat 11:00-de juqpaly aýrýlar aýrýhanasynda 2015 jyly týǵan bala, odan keıin saǵat 14:00-de toksıkologııa bóliminde 2018 jylǵy bala kóz jumdy», - delingen baspasóz habarlamasynda.
Ólimniń sebebi anyqtalýda. Sot-medıtsınalyq saraptama taǵaıyndaldy. Anasy men úshinshi balasynyń jaǵdaıy qanaǵattanarlyq.
TJ departamentiniń habarlaýynsha, oqıǵa ornynda muqııat taldaý jasalyp, ýly gazben ýlaný faktisi rastalmaǵan.