Shymkentte tabylǵan tastandy náresteniń jaǵdaıy aýyr
ShYMKENT. QazAqparat - Shymkentten tabylǵan tastandy náresteniń jaǵdaıy aýyr. Bul týraly búgin baspasóz maslıhatyn ótkizgen oblystyq densaýlyq saqtaý basqarmasynyń basshysy Muqan Egizbaev málimdedi, -dep habarlaıdy QazAqparat HAA tilshisi.
«2-shi perınataldyq ortalyqqa jedel járdemmen salmaǵy 2775 keli bolatyn náresteni alyp kelgen. Bastapqy kezde sábıdiń jaǵdaıy aýyr bolǵan. Balanyń tynys alýy óte qıyn bolǵan. Tastandyny balanyń jaǵdaı qazir de sol aýyr kúıinde qalyp otyr. Dárigerler ómirin saqtap qalý úshin bar múmkindikti jasaýda»,-dedi oblystyq densaýlyq saqtaý basqarmasynyń basshysy.
Eske salaıyq, demalys kúni tańǵy saǵat 8-30-dar shamasynda jeke medıtsınalyq ortalyqtyń kúzetshisi qoqys tastaıtyn jáshik pen bankomattyń arasynan jańa týǵan sábıdi taýyp alǵan bolatyn. Qansyraǵan sábıdi anasy bosanǵan kúıi tastap ketken degen boljam jasalǵan-dy. Kúzetshiler tez arada jedel járdem kóligin shaqyrtyp, sábı perınataldyq ortalyqqa jetkizilgen.
