Shymkentte sybaılasqan tergeýshi men advokat sottaldy
«Shymkent qalasynyń sybaılas jemqorlyqqa qarsy is-qımyl agenttigi budan buryn advokat N.Elǵonovqa qatysty sotqa deıingi tergeý amaldaryn júrgizgen edi. Advokat paraqorlyqqa deldal retinde tergeýshi Tórebaıǵa 440 myń teńge berý jolymen zorlaýǵa qatysty qylmystyq isti toqtatpaq bolǵany úshin kúdikti retinde tanylǵan», - dedi QR Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister jónindegi tergeýshisi Danııar Bekaıdarov agenttiktiń búgingi «Antıkor LIVE» aıdarynda.
Shymkent qalasynyń Abaı aýdanynyń sotynyń úkimimen tergeýshi Tórebaıǵa 13,2 mln teńge aıyppul salyndy. Ol sonymen qatar ómir boıy memlekettik qyzmette eńbek etý quqyǵynan aıyryldy.
Dál osy sottyń úkimimen Elǵonov ta aıypty dep tanylyp, oǵan 4,4 mln teńge aıyppul taǵaıyndaldy. Ol da ómir boıy memlekettik qyzmette eńbek ete almaıdy.