Shymkentte sybaılas jemqorlyqqa qarsy kúres boıynsha ınvestorlarmen kelisim jasaldy
Departamenttiń málimetinshe, «Lux Shoes» JShS-i 403 mln teńgeniń jáne «KazBioLife» JShS-i 650 mln teńgeni quraıtyn jobalardy usynǵan. Qol qoıý rásimi aıasynda otandyq jáne sheteldik ınvestorlar úshin qolaıly jaǵdaı jasaý men olardyń senimin arttyrý máseleleri talqylandy. Investorlardyń quqyqtary men zańdy múddelerin qorǵaý máseleleri sóz boldy.
«Investorlar úshin jańa bıznes ıdeıalaryn iske asyrýǵa kedergi jasaıtyn máseleler áli de joq emes. Onyń ishinde jemqorlyq ta bar. Osyǵan baılanysty Agenttik jańa joba engizdi. Atalǵan jobaǵa qatysýǵa nıet bildirgen ınvestorlar Qazaqstan aýmaǵynda aptanyń kez kelgen táýliginde qorǵalady», - dep atap ótti Departament basshysy Álı Kómekbaev.
Sondaı-aq, joǵaryda atalǵan seriktestikterdiń dırektorlary mundaı jobalar jańadan ashylǵan kásiporyndarǵa óte qajettigin atap ótip, aldaǵy ýaqytta sybaılas jemqorlyqtyń aldyn alýda birlese jumys atqarýǵa daıyn ekendikterin jetkizdi.
Aıta keteıik, atalǵan shara QR Memlekettik qyzmet isteri jáne sybaılas jemqorlyqqa qarsy is-qımyl agenttigi men elimizdiń Syrtqy ister, Investıtsııalar jáne damý mınıstrlikteri arasyndaǵy yntymaqtastyq týraly memorandým aıasynda qolǵa alynyp otyr. Taraptar osyndaı sharalar arqyly el ekonomıkasyna ınvestıtsııalardyń kelýin jeńildetý, bıýrokratııa tártipterin jáne sybaılas jemqorlyq derekterin boldyrmaýdy kózdeıdi.
Departament qyzmetkerleri osy rette bııznes ókilderin «Protecting Business and Investments» jobasynynyń múshesi bolýǵa shaqyryp, oǵan nıet bildirgen ınvestorlar úshin «WhatsApp» (+7702 201 51 51), 51-51-51 senim telefondary men memkyzmet.kz saıtynda ashylǵan«Investorlardy sybaılas jemqorlyqqa qarsy kúreste súıemeldeý» aıdary jumys jasaıtynyn eskertedi.
