Shymkentte «Svoı dom» qarjy pıramıdasynyń joly kesildi

NUR-SULTAN. QazAqparat – QR Qarjylyq monıtorıng agenttiginiń Shymkent qalasy boıynsha aýmaqtyq departamenti «Svoı dom» qarjylyq (ınvestıtsııalyq) pıramıdasyn qurý jáne basqarý faktisi boıynsha qylmystyq isti tergep jatyr, dep habarlaıdy QazAqparat.

QR Qarjylyq monıtorıng agenttiginiń baspasóz qyzmetiniń habarlaýynsha, tergeý organy elimizdiń ońtústik óńirleriniń turǵyndarymen «Svoı dom» ınvestıtsııalyq baǵdarlamasy boıynsha tólengen somadan 7 kún ishinde 40%-ǵa deıin paıda tabý shartymen kelisim jasasqan kúdiktini anyqtady.

Qarjy pıramıdalaryn qurý Qazaqstan Respýblıkasy Qylmystyq kodeksiniń 217-baby boıynsha qylmystyq jaýapkershilikti kózdeıdi, ol úshin múlki tárkilenip, 10 jylǵa deıin bas bostandyǵynan aıyrý jazasy qarastyrylǵan.

«Svoı dom» qarjy pıramıdasynyń qurbanyna aınalǵan azamattarǵa Shymkent qalasy boıynsha ekonomıkalyq tergeý departamentine nemese 8(7252) 77-14-48, 8-700-690-52-39 telefonyna habarlasýdy suraımyz.