Shymkentte súıegi synǵysh balanyń ata-anasyn aldap ketken kúdikti aqyry ustaldy
Shymkent qalalyq ІІD baspasóz qyzmetiniń habarlaýynsha, Ál-Farabı aýdandyq ІІB qyzmetkerleri kúdiktini keshe túnde qolǵa túsirgen.
«Qazirgi tańda atalǵan jaıt boıynsha Qylmystyq kodekstiń «Alaıaqtyq» babymen sotqa deıingi tergeý amaldary júrgizilýde. Sezikti ýaqytsha ustaý abaqtysyna qamaýǵa alyndy», delingen habarlamada.
Eske salaıyq, buǵan deıin birqatar BAQ-ta Oral qalasynda turatyn súıegi synǵysh balanyń otbasyn Shymkentte aldap, aqshasyz qaldyryp ketkeni týraly aqparat taraǵan bolatyn. ıAǵnı, belgisiz bireýler sırek kezdesetin aýrýǵa shaldyqqan balanyń ata-anasyn Shymkentke aldap shaqyryp, aqshalaryn tartyp alǵan. Qazir jeti balasy bar januıa aqshadan qatty qysylyp otyrǵanyn jetkizgen. Sebebi, naýqas perzentterine qymbat turatyn ota jasatý kerek eken.
Lázzat esimdi naýqas balanyń anasy óziniń esepshotyn da kópshilikke taratyp, kómek suraǵan edi. (Kaspi gold 5169 4931 9076 5696).
Osy jaǵdaıdy estigen qala turǵyndary bul januıaǵa shamalary kelgenshe kómek qolyn sozdy. Qaıyrymdylyqtan qaladaǵy jekemenshik kompanııa ókilderi de shet qalmady. Olar naýqas balanyń týystarynan bolǵan jaǵdaı úshin keshirim surap, materıaldyq kómek kórsetti. Belgilisi, qazir naýqas bala jergilikti klınıkalardyń birinde tekserýden ótip, Astanaǵa jol tartpaqshy. Bala elordada emdeletin bolady.
Foto: otyrar.kz