Shymkentte sý resýrstaryn qorǵaý ınspektory paramen ustaldy

NUR-SULTAN. QazAqparat - Shymkentte Aral-Syrdarııa basseındik ınspektsııasynyń bas mamany alaıaqtyq jasaǵany úshin sottaldy. Bul týraly QR Sybaılas jemqorlyqqa qarsy is-qımyl agenttigi Birinshi deparatmentiniń aǵa tergeýshisi Danııar Bekaıdarov aıtty, dep habarlaıdy QazAqparat tilshisi.

«Shymkent qalasynyń Sybaılas jemqorlyqqa qarsy qyzmeti QR Ekologııa, geologııa jáne tabıǵı resýrstar mınıstrligi Sý resýrstary Komıtetiniń «Sý resýrstaryn paıdalaný jáne qorǵaý jónindegi Aral-Syrdarııa basseındik ınspektsııasy» RMM burynǵy bas mamany Ý. Alpysbaevqa qatysty sotqa deıingi tergeýdi aıaqtady», - dedi aǵa tergeýshi agenttiktiń baspasóz ortalyǵynda ótken brıfıngte.

Ol jaıylymdardy sýlandyrý úshin uńǵymany burǵylaýǵa ruqsat beretin qujatty alýǵa (bul qyzmet túri tegin beriledi) járdemdesemin dep JShS ókilinen 1 mln 275 myń teńge para aldy dep kúdikke ilingen.

«2020 jyldyń 11 aqpanynda Shymkent qalasy ál-Farabı aýdandyq sotynyń úkimimen Ý. Alpysbaev 3 jylǵa bas bostandyǵynan aıyrý jazasyna kesilip, memlekettik qyzmetti atqarý quqyǵynan ómir boıyna aıyryldy», - dedi D. Bekaıdarov.