Shymkentte sý eseptegish quraldar urlanýda
ShYMKENT. Qazaqparat - Shymkentte sý eseptegish quraldar urlanyp jatyr, dep habarlaıdy «QazAqparat» HAA baspasóz qyzmeti.
Urylar qalanyń Voroshılovka aýdanyna qyrǵıdaı tıgen. Sý eseptegish qurylǵy kóshedegi arnaıy jáshikke ornatylǵan. Osy múmkindikti qalt jibergisi kelmegen urylar birinen soń birin túndeletip áketip júr. Bul týraly Qazaqparat tilshisine «Sý resýrstary-marketıng» JShS-niń ókili Asqar Sátpaev aıtty.
Degenmen, qalany aýyz sýmen qamtamasyz etýshi mekeme jábirlenýshilerdi tirshilik nárinen qysqan joq. Qurylǵynyń jańasyn ornatqansha, árbir turǵyn úıdi aýyz sý qubyryna qosyp berdi.
«Biz de jábirlenýshimiz. Degenmen, turǵyndardy qystyń kózi qyraýda aýyz sýdan ajyratýǵa bolmaıdy. Sol sebepti, ýaqytsha bolsa da qubyrǵa qosyp berip júrmiz. Bul jerde bir másele bar. Bir qoıylǵan sý ólsheýish quralyn qaıta qoıýǵa bolmaıdy. Óıtkeni árbir tutynýshynyń jeke nómiri men aty-jóni jalpy elektrondyq bazaǵa tirkelken», - deıdi seriktestik ókili.
Jalpy, qala boıynsha 30-ǵa jýyq abonent qondyrǵysyz qalǵan. Árbir jáshikten tórt-bes qurylǵy urlanǵan. Mamandardyń boljamynsha, urlanǵan zattar tústi metall qabyldaıtyn oryndarǵa satylyp ketýi múmkin. Ár qurylǵyda jarty keli latýn bar. Onyń naryqtaǵy kelisiniń baǵasy 500 teńgege jýyq. Degenmen, kompanııa urylardy izdep tabý úshin jergilikti tártip saqshylaryna shaǵymdanǵan.
Almas Sultan
