Shymkentte Stýdentterge qyzmet kórsetý ortalyǵy ashyldy
Onda «bir tereze» qaǵıdasy boıynsha stýdentterge sapaly jáne jyldam qyzmet kórsetiletin bolady, dep habarlaıdy QazAqparat tilshisi.
«Smart Square» stýdentterge qyzmet kórsetý ortalyǵynda ashyqtyq pen qoljetimdilikke jaǵdaı jasalyp, qyzmet kórsetýdiń joǵary standarttary qamtamasyz etiledi. Sondaı-aq sybaılas jemqorlyq táýekelderiniń aldyn alýǵa, bilim berý sapasyn arttyrýǵa jáne akademııalyq adaldyq qaǵıdattaryn ilgeriletýge jaǵdaı jasalmaq. Budan ózge bilim alýshylarǵa oqý-bilim berý, áleýmettik-turmystyq jáne mádenı baǵyttar boıynsha qyzmetter usynylady»,- deıdi mamandar.
Ortalyqta ázirge 200-ge jýyq qyzmet túrleri kórsetiledi dep kútilýde. Ári aqyldy tehnologııalardyń kómegimen qyzmet kórsetý alańynda 40-50 stýdent bir ýaqytta anyqtama ala alatyn bolady.
Osyǵan deıin Shymkentte 99 nysannyń qala menshigine ótkendigi týraly jazǵanbyz.