Shymkentte stýdentter emtıhan tapsyrmaý úshin jalǵan medıtsınalyq anyqtama usynǵan

ShYMKENT. QazAqparat - Shymkentte stýdentter emtıhan tapsyrmaý úshin jalǵan medıtsınalyq anyqtama usynǵan, dep habarlaıdy QazAqparat tilshisi.

Ońtústik Qazaqstan ýnıversıtetiniń sybaılas jemqorlyqqa qarsy volonteri emtıhan kezinde stýdentter usynǵan 48 medıtsınalyq anyqtamanyń zańdy emestigin anyqtady.

Monıtorıng barysynda usynylǵan 185 medıtsınalyq anyqtamanyń 48-i Damumed mobıldi qosymshasynyń málimetterine sáıkes kelmegen.

«Anyqtamalar basqa adamdarǵa tıesili bolyp shyqty. Kúnderi de sáıkes kelmeıdi. Atalǵan fakti boıynsha shara qabyldaý úshin qalanyń sybaılas jemqorlyqqa qarsy qyzmeti tıisti medıtsınalyq mekemelerge hat joldady» delingen sybaılas jemqorlyqqa qarsy is-qımyl agenttiginiń Shymkent qalasy boıynsha departamenti usynǵan aqparatta.