Shymkentte «SPÝTNIK V» vaktsınasyn salýdyń ekinshi kezeńi bastaldy
Vaktsınatsııa shahardaǵy tórt ekpe beketinde júrgizilýde, dep habarlaıdy QazAqparat tilshisi.
Koronavırýsqa qarsy vaktsınanyń ekinshi dozasyn alǵashqylardyń biri bolyp Shymkent qalalyq densaýlyq saqtaý basqarmasynyń basshysy Baqytjan Pozılov saldyrdy.
«1-19 aqpan kúnderi aralyǵynda «Spýtnık V» vaktsınasynyń 1000 dozasyn salýdy aıaqtadyq. Kúni keshe bizge taǵy 1000 doza vaktsına jetkizildi. Búgin tańerteń tórt emhanaǵa vaktsına taratylyp, egý jumystary júrgizilýde. Buǵan deıin ekpe alǵandar ekinshi dozasyn alýy qajet. Búgin men ózim ekinshi dozasyn aldym. Qazir jaǵdaıym jaqsy», - deıdi basqarma basshysy.
Aıta keteıik, qalaǵa jetkizilgen «Spýtnık V» vaktsınasynyń ekinshi dozasyn koronavırýs ınfektsııasymen qaýipti aımaqta júrgen medıtsına qyzmetkerleri alýda. Munan keıin jospar boıynsha óz erkimen kelisim bergen muǵalimder men polıtseılerge salynbaq.