Shymkentte sottalǵandardyń 85 paıyzy jumyspen qamtylǵan
ShYMKENT. QazAqparat - Shymkentte sottalǵandardyń 85 paıyzy jumyspen qamtylǵan. Mundaı málimetti oblystyq prokýratýranyń baspasóz qyzmeti taratty, dep habarlaıdy QazAqparat tilshisi.
Oblystyq prokýratýranyń málimetinshe, qadaǵalaý organynyń bastamasymen qolǵa alynǵan «Resotsıalızatsııa. Sen qoǵamǵa kereksiń!» jáne «2017 kolonııalarda jumyspen qamtý» jobalary OQO prokýratýrasy tarapynan júzege asyrylyp, nátıjesin de bere bastady. Búgingi tańda, sottalǵandardyń basym kópshiligi jumys isteıdi, túzeý mekemelerinde 29 kásipkermen birlesip, óndiristik tsehtar ashylǵan. Onyń ishinde, naýbaıhanashylar, kókónisterdi koservileý, tigin, dánekerleý, jıhaz jáne t.b. tsehter iske qosylǵan. Osy jumystardyń nátıjesinde jábirlenýshilerge keltirilgen shyǵyndy óndirý kólemi 3 esege ósip, 13-ten 35 mıllıonǵa deıin jetti.
Bul rette oblys prokýrory Nurǵalym Ábdirov Shymkent qalasynda ornalasqan ICh 167/3 túzeý mekemesinde bolyp, kásipkerlermen jáne sottalǵandarmen kezdesti. Kezdesý barysynda kolonııalarda bıznes ashý jáne júrgizý máseleleri talqylanyp, QAJ-niń basshylyǵyna týyndaǵan máselelerdiń sheshý joldary boıynsha nusqaýlar berildi. Sottalǵandardy jeke qabyldady.
Sondaı-aq, oblys prokýrory Abaı aýdandyq sotynda sottalǵandardy merziminen buryn bosatý jáne bas bostandyǵynan aıyrý jazasyn, jazanyń jeńil túrine aýystyrý týraly sot protsesine qatysty.
