Shymkentte sorǵy stantsııalaryn qaıta qurý jumystary júrgizilýde
1D1250-63 markaly sorǵy stantsııasy ótken ǵasyrdyń 1970 jyldary salynǵan. Óndiristik qýattylyǵy – 1250 m3/saǵ. Bir jylǵa 2162,16 myń kVt/saǵ. elektr qýatyn paıdalanatyn.
2020 jyly «Jumyspen qamtý jol kartasy» baǵdarlamasy aıasynda sorǵy stantsııasyn qaıta qurý boıynsha 438,0 mln. teńge qarjy bólindi. Merdiger «Kokshe Stroı Plıýs» JShS-i shilde aıynda qaıta qurý jumystaryn júrgizdi. 2020 jyldyń 15 qazanynda qurylys jumystary aıaqtalyp, nysanǵa «Wilo» markaly sorǵylarmen tyǵyndyq armatýralar ornatyldy. Búgingi tańda atalǵan nysan 15-18 paıyzǵa elektr qýatyn az paıdalanyp, ortalyqtandyrylǵan jylý júıesinde sapaly qyzmet atqarýda.
Jańǵyrtý jumystarymen tanysqan qala ákimi «Qýat jylý ortalyq -3» mekemsiniń basshysy Perdebaı Sabıtovke sorǵy stantsııalaryn avtomattandyrylǵan júıege kóshirý jáne jylý júıeleri baǵytynda jańa zamanaýı tehnologııalardy engizý boıynsha jumys jasaý qajettigin atap ótti.
Búginde Shymkent qalasynyń energetıka jáne kommýnaldyq sharýashylyq basqarmasy tarapynan 2020-2021 jyldarǵa arnalǵan Jumyspen qamtý jol kartasy sheńberinde birqatar nysandardy qaıta qurý, jańǵyrtý jumystary júrgizilýde. Atap aıtqanda, bıyl Gagarın kóshesindegi sorǵy stantsııasyn qaıta qurý, Ýálıhanov kóshesindegi K 1, Janqoja batyr kóshesindegi K- 16, Jibek joly kóshesindegi K-EDJ sorǵy stantsııasynyń ǵımaratyna kúrdeli jóndeý jumystary júrgizildi.
Sondaı-aq, 2020 jyly shaharda magıstraldy jylý jelilerin kúrdeli jóndeý, ishki oramdyq jylý júıelerin aǵymdaǵy jóndeý jumystary atqaryldy.