Shymkentte sırek kezdesetin dertke shaldyqqan naýqasqa kúrdeli ota jasady

ShYMKENT. QazAqparat - Shymkenttik dárigerler sırek kezdesetin dertke shaldyqqan naýqasqa alǵash ret kúrdeli ota jasady. Hırýrgtar narkozdy qajet etpeıtin, asqynýdy boldyrtpaıtyn em tásilin qoldandy, dep habarlaıdy QazAqparat tilshisi.

№2 qalalyq aýrýhanaǵa jatqyzylǵan naýqas býyndary aýyrsynatynyn, dene bitimi kishireıgenin jáne boıy shókkenin aıtqan. Onymen qosa búırektiń sozylmaly syrqatynan 9 jyl gemodıalız qabyldaǵan. Medıtsınalyq tekserý barysynda naýqasta kaltsıı-fosfor almasýy buzylǵany anyqtalyp, dárigerler shuǵyl kúrdeli ota jasaýǵa sheshim qabyldaıdy. Klınıka bazasynda qalqanshamańy bezi arterııalarynyń embolızatsııasy jasaldy.

«Bir naýqastyń ómirin aman alyp qalý úshin dárigerler komandasy bolyp jumys istep, sátti ota jasap shyqtyq. Súıek býyny qanyndaǵy paratgormon deńgeıi 7 kúnde 1733 pg/ml-ge deıin tómendegen jáne odan da tómen túsýi kútilýde. Sondyqtan naýqas qatań baqylaýǵa alynyp, ár aptada qan taldaýǵa alynady», - deıdi nefrolog-dáriger Madııar Qystaýbaev.

Tyń ádispen jasalǵan operatsııa sátti aıaqtalyp, nátıjesinde aýyrsynýy basylǵan. Qazir naýqastyń jańdaıyn dárigerler qalypty dep baǵalaýda.