Shymkentte «Shymkent bike» jobasy iske qosylmaq

ShYMKENT. QazAqparat – Shymkent qalasynda úlken magıstraldy kóshelerge velojolaqtar salynyp, «Shymkent bike» jobasy iske qosylmaq. Bul jumystar tolyǵymen aıaqtalǵanda, turǵyndar velosıpedti qoǵamdyq kólik retinde paılana alady, dep habarlaıdy QazAqparat tilshisi.

Atap aıtqanda «Shymkent bike» áleýmettik-ınnovatsııalyq jobasy sheńberinde 200 velosıpedti quraıtyn 40 velostantsııa iske qosylýǵa daıyn tur. Aldaǵy 1,5-2 aıdyń kóleminde velosıpedter turǵyndar ıgiligine beriledi dep kútilýde. Joba aıasynda paıdalanýshylar úshin qoljetimdi jáne yńǵaıly tarıftik josparlar ázirlengen. «Bike Sharing» júıesi arqyly turǵyndar men qala qonaqtary velosıpedti jalǵa alýdyń alǵashqy 30 mınýtynda tegin aıdaı alady. ıAǵnı, velosıpedterdi jaqyn ornalasqan stantsııalarda almastyryp, uzaq ýaqyt boıy tegin qoldanýǵa múmkindik bolady. Al, abonenttik tólemderdiń quny saǵaty men merzimine qaraı 100 teńgeden bastalyp, 10 myń teńgege deıin belgilengen.