Shymkentte shyǵarylatyn aıaq kıimder Reseıge eksporttalmaq
«Qazaqstanda jasalǵan» degen tańbamen el naryǵynda satylyp jatqan aıaq kıimder bylǵary jáne qoltyraýyn terilerinen jasalady. «Zarıa» degen saýda belgisimen ónim shyǵaratyn tseh erler, áıelder jáne balalarǵa arnalǵan qystyq, jazdyq jáne sporttyq sekildi 27 túrli aıaq kıim shyǵarady. Qazirgi zamanǵa laıyqty 180 model tigiledi. 
Ónimder sheteldikten esh kem emes ekenin aıtqan kásipker aıaq kıimdi bir satyp alǵan adam turaqty klıentke aınalatynyn aıtýda. Sebebi sapasy joǵary, jaǵymsyz ıis shyǵarmaıdy.
Otandyq ónim shyǵaryp otyrǵan kásipker shıkizattyń basym kópshiligin Shymkenttegi qarakól zaýytynan jáne Almaty men Semeı qalalarynan alyp otyr.
Ónimin eksportqa shyǵarýdy kózdep otyrǵan tseh basshysy búginde Reseı kásipkerlerimen kelissózder júrgizgen. Kelisim oń nátıjesin berse, olar aıyna 1000 juptan astam ónim almaq.
Sondaı-aq, tseh ónimine Astana men Aqtóbe qalalarynyń kásipkerleri de qyzyǵýshylyq tanytyp otyr. Olar óz qalalarynda «Zarıa» aıaq kıim dúkenin ashýdy kózdeýde.
Búginde 30-40 jup aıaq kıim shyǵaryp otyrǵan tseh ónimderin OQO men Jambyl, Qyzylorda oblystarynda jáne Almaty qalasynyń naryǵyna shyǵaryp keledi.
Aıta keteıik, ónimniń baǵasyda qaltaǵa qonymdy. Máselen, erlerge arnalǵan aıaq kıim 5-10 myń teńge aralyǵynda bolsa, áıelder aıaq kıimi 5-15 myń teńge tóńireginde. Al, balalar aıaq kıimin 4000-8000 teńgege satyp alýyńyzǵa bolady.
