Shymkentte shý shyǵarǵan «prokýrordyń áıeli» 15 myń teńge aıyppul tóleıtin boldy

ShYMKENT. QazAqparat-Shymkent qalasy boıynsha Ákimshilik quqyq buzýshylyq jónindegi mamandandyrylǵan aýdanaralyq sot dórekilik tanytqan áıeldi ákimshilik jaýapkershilikke tartty, dep habarlaıdy QazAqparat tilshisi.

Áleýmettik jelilerde «Qyzylorda oblysy prokýrorynyń áıelimin» dep kúzetshilerge dórekilik tanytqan áıeldiń vıdeosy taraǵan edi.

Jeke seriktestik kúzetshileriniń aryzy negizinde Shymkent qalalyq ál-Farabı aýdandyq polıtsııa basqarmasynyń qyzmetkerleri áıeldiń jeke basyn anyqtady.

«Ol 1984 jyly týǵan, buryn ajyrasqan jergilikti turǵyn bolyp shyqty. Tártip saqshylary atalǵan jaıtqa qatysty QR ÁQBtK 434-baby boıynsha ákimshilik hattama toltyryp, materıaldardy sotqa joldady» delingen Shymkent qalalyq polıtsııa departamentiniń baspasóz qyzmeti taratqan habarlamada.

Búgin sot óz sheshimin shyǵardy.

Quqyq buzýshynyń kinásin moıyndap, keshirim suraǵanyn nazarǵa ala otyryp, ony 5 AEK kóleminde aıyppul túrinde ákimshilik jaýapkershilikke tartty.

Aıta keteıik, budan aldyn jeke seriktestik kúzetshileri poltsııaǵa shaǵym túsirgen bolatyn.

Vıdeodan alynǵan kadr