Shymkentte short-trekten Qazaqstan kýbogy úshin jarys bastaldy
ShYMKENT. QazAqparat - Shymkenttegi Muz saraıynda short-trekten eresekter arasynda Qazaqstan Respýblıkasynyń Kýbogi úshin jarys bastaldy. Básekege alty oblystan 56 sportshy qatysýda, dep habarlaıdy QazAqparat tilshisi.
Respýblıkalyq básekeni short-trekten Qazaqstannyń memlekettik jattyqtyrýshysy Sofııa Teleýbaeva ashty. Іrikteý saıystarynda ózderiniń myqtylyqtaryn tanytqan alań ıelerimen qatar Qaraǵandy, BQO, Almaty, Qostanaı, ShQO sportshylary el kýbogyn jeńip alýǵa úmitti. Saıys 20 qańtarǵa deıin jalǵasady dep kútilýde. Jarys qorytyndysynda jeńimpaz atanǵan sportshylarǵa Qazaqstan Respýblıkasynyń sport sheberi ataǵy beriledi. Sondaı-aq, arnaıy dıplomdarmen marapattalmaq.
Aıta keteıik, Ońtústik Koreıanyń Phenchhan qalasynda ótetin qysqy Olımpıada oıyndaryna ulttyq quramanyń 5 sportshysy qatysady dep kútilýde.
