Shymkentte shirkeýge urlyqqa túskender izdestirilýde

ShYMKENT. QazAqparat - Shymkent qalasynyń Túrkistan kóshesindegi Áýlıe Nıkolaı shirkeýine tún ortasynda belgisiz bireýler urlyqqa túsip, birtalaı dúnıeni úptep ketken.

Máselen, mundaǵy altynnan jasalǵan buıymdar, qaıyrymdylyq aqshalary salynǵan qorap pen birneshe baǵaly zattar qoldy bolǵan.

Bul týraly shirkeýde qyzmet etýshi 62 jastaǵy áıel 17 qańtar kúni Eńbekshi aýdandyq polıtsııa bólimine habarlaǵan. Oqıǵa ornyna jetken tergeý toby tekserý jumystaryn júrgizgen. Naqty qansha shyǵyn keltirilgeni naqtylaný ústinde. Atalmysh fakti Qazaqstan Respýblıkasy Qylmystyq kodeksiniń 188-baby boıynsha («Urlyq») sotqa deıingi tergeýdiń biryńǵaı reestirine tirkeldi.  

Urylar súıikti ıkonalardyń tusyna qaıyrymdylyq retinde baǵaly buıymdardy ilip ketý dástúrin paıdalanǵanǵa uqsaıdy. Ádette, qymbat buıymdar qoljetimdi jerde beıneli sýretter men músinderdiń janynda jipke ilýli turatyn kórinedi.

Baılanysqa shyqqanymyzda, shirkeý jetekshisi Aleksandr ákeı «urlyq faktisimen polıtsııa aınalysýda», degenmen ǵana shektelip, bul taqyrypta qandaı-da bir aqparat bólisýden úzildi-kesildi bas tartty.

Tergeýshiler de naqty shyǵyndar jaıly mardymdy jaýap qatpady. «Naqtylap jatyrmyz, kúdiktiler izdestirilýde», - dep atap ótti olar.

 

Erlan Júnisbaıuly 

Foto: Otyrar.kz