Shymkentte shekteýlerge baǵynbaǵan kásipkerler úsh táýlikke qamaldy

ShYMKENT. QazAqparat – Shymkentte tótenshe jaǵdaıǵa baılanysty shekteýlerge baǵynbaǵan 7 kásipker úsh táýlikke qamaldy. Bul týraly qalalyq prokýratýranyń apparat basshysy Rýslan Zaýrbekov málimdedi, dep habarlaıdy QazAqparat tilshisi.

Rýslan Zaýrbekovtyń aıtýynsha, sońǵy 3 kúnniń ishinde ákimshilik quqyq buzýshylyqqa jol bergenderge 49 hattama toltyrylǵan. Zań buzýshylyqqa jol bergen 5 adamǵa aıyppul salynǵan. Al, úsh táýlikke qamalǵandar qatarynda avtosalonnyń dırektory men monshanyń ıesi, dámhana qojaıyny men ákimshisi, birneshe londj-barlarynyń ıeleri bar.

«Jumys ýaqtyna shekteý talaptaryn buzylýyna jol bergendigi úshin «Aster-avto» JShS-ne tıesili avtosalonynyń dırektory 3 táýlik qamaýǵa alý túrindegi ákimshilik jaýaptylyqqa tartyldy. Al, osyǵan uqsas buzýshylyqtar úshin «Kafel» dúkeniniń ıesi 3 táýlik qamaýǵa alý túrindegi jáne «Karavaı» ashanasynyń ákimshisi 10 AEK kóleminde aıyppul túrinde ákimshilik jaýaptylyqqa tartyldy»,- dedi Rýslan Zaýrbekov .

Sondaı-aq, qala aýmaǵynda qurylǵan 15 mobıldi top kún saıyn tótenshe jaǵdaı rejımi sharttaryn buzýyna jol bermeý árektterin jasaýda. Jeke qorǵaý quraldaryn zańsyz satý derekterin anyqtaýǵa jáne jolyn kesýge baǵyttalǵan reıdtik is-sharalardy júzege asyrýda. Qadaǵalaýshy organ ókilderi jalpy quny 5 mıllıon teńgege jýyq 26 myń 500 dana medıtsınalyq betperdeni zańsyz satýdyń 3 jáıtin anyqtaǵan. Qazirgi ýaqytta tıisti materıaldar ákimshilik jaýapkershilikke tartý úshin Memlekettik kirister departamentine joldanǵan.