Shymkentte «Shatqal» baǵdarlamasy boıynsha 226 gektarǵa aǵash kóshetteri otyrǵyzylady
ShYMKENT. QazAqparat - Shymkentte «Shatqal» baǵdarlamasy boıynsha 226 gektarǵa aǵash kóshetteri egiledi. Baǵdarlama aıasynda demalys kúnderi Qýanysh Tólemetov kóshesi men Almaty-Termez avtojolynyń qıylysynan taǵy bir saıabaq qurylyp, oblys ákimi Janseıit Túımebaev bastaǵan top jasyl jelek otyrǵyzdy, dep habarlaıdy QazAqparat HAA tilshisi.
Kólemi 17 gektar bolatyn demalys aımaǵyna kelgen ákim bul jerlerdi jasyl jelekpen qamtamasyz etýge qoldaý bildirgen oblystyq máslıhattyń depýtattaryna alǵys bildirdi.
«Bul «Shatqal» baǵdarlamasy aıasynda salynatyn qala aýmaǵyndaǵy 14 shatqaldyń kólemi 226 gektardy quraıdy. Kógaldandyrý isiniń birinshi kezeńinde aǵash egilip, tamshylatyp sýarý ádisi ornatylýy tıis. Abattandyrý jumystarynyń ekinshi kezeńinde jaýapty mekemeler shatqaldarǵa jol salyp, jaryqtandyrý isimen aınalysatyn bolady. Damytý jumystarynyń úshinshi kezeńinde demalys oryndary men balalar oıyn alańdarynyń qurylys júrgizýi josparlanyp otyr. Búgingi máslıhat depýtattary otyrǵyzyp jatqan aǵash kóshetteri erteńgi urpaǵymyz úshin saıaly meken bolatynyna senemin», - dedi aımaq basshysy.
Halyq qalaýlylarynyń jaýapkershiligine alynǵan saıabaqta kóleńke beretin jaı japyraqty aǵashtar - qaratal, úıeńki syndy jelekterdiń 4 myń danasy otyrǵyzyldy.
Aıta ketý kerek, oblystyq máslıhat quramyndaǵy 3 depýtat - Qaırat Balabıev, Ráshkúl Ospanálıeva jáne Nuraly Ábishevter jeke jer telimin jeke alyp, abattandyrady. Máselen, oblystyq máslıhat hatshysy Q.Balabıev Q.Tólemetov pen T.Ótegenov kóshesiniń qıylysyndaǵy 8 gektar aýmaqqa 3 myń túp jasyl jelek otyrǵyzyp, demalys aımaǵyn retke keltirý ústinde. Al R.Ospanálıeva men N.Ábishevter birigip, Q.Tólemetov pen T.Ótegenov kóshesi qıysynyń arǵy betindegi 10 gektar jerdi jeke ózderi qadaǵalaýǵa alyp otyr.
Aıta keteıik, qazirgi tańda Shymkent qalasynda jalpy aýmaǵy 300 gektardy quraıtyn 8 saıabaq bar. Sonymen qatar, 104 kóshede aǵash otyrǵyzylǵan. Aldaǵy ýaqytta «Shatqal» baǵdarlamasy aıasynda 47 shatqal iske asqanda jalpy ormandy alqap kólemi 16 myń gektarǵa jetedi dep josparlanýda. Abattanýy tıis shatqaldardyń kólemi jaǵynan úlkeni «Samal» shatqaly. Onyń jalpy aýmaǵy - 38 gektardy quraıdy. «Shymsaıa» men «ıÝnýs Emre» shatqaldarynyń aýmaǵy 25 gektardan, al qalǵandary 8-10 gektardyń kóleminde.
