Shymkentte «Sham» shyǵarmashylyq ortalyǵy ashyldy
ShYMKENT. QazAqparat - Óleń ólkesine endi qadam basqan jas aqyndar úshin Shymkentte «Sham» shyǵarmashylyq ortalyǵy ashyldy, dep habarlaıdy qala ákimdiginiń baspasóz qyzmeti.
Іzdenis ıeleri budan bylaı óz týyndylaryn eshbir kedergisiz osy ortalyqtyń kómegimen jarııalaı alady. Al, aqyndyq álemine ińkár sezim jeteginde jetken jetkinshekterge Qalqaman Sarın syndy respýblıkaǵa tanymal qalamgerler qýat bermek. «Sham» ortalyǵy aqyndyq ónerdiń umyt bola bastaǵan baǵyttaryn qaıta jandandyryp, jas aqyndardyń talabyn shyńdaý, olardyń tyrnaqaldy týyndylaryn basyp shyǵarýǵa qoldaý kórsetý úshin ashylǵan. Ortalyqtyń aldaǵy mindetteri týraly sóz etkende Súndet Seıitov jas aqyndardy ulttyq rýhta tárbıeleýdiń mańyzdylyǵyna toqtaldy. «Sóz túzelmeı, kósh túzelmeıdi». Aqyndardyń qalam siltesi, tiz tazalyǵyna munda jiti mán berilmek. Poezııaǵa jany jaqyn jastardyń bul keshte qarasy qalyń boldy. Qazirdiń ózinde tuşymdy oılarymen bólisip, aýqymdy ári, tyń jobalardy iske asyrýǵa daıyn. Bul oraıda «Sham» ortalyǵy jalyndaǵan jastarǵa úlken shyǵarmashylyq tórine jeteleıtin dara jol bolmaq.
