Shymkentte shaǵyn fýtboldan respýblıkalyq týrnır ótti
ShYMKENT. QazAqparat - Shymkentte shaǵyn fýtboldan respýblıkalyq týrnır bolyp ótti. Onda bir atanyń balalary oınady. 30-ǵa jýyq otbasylyq komanda qatysqan tartysty jarys qorytyndysynda Qazyǵurt aýdanynan kelgen Joldasovtar otbasy bas júldeni jeńip aldy.
Olar aqtyq synda Sozaqtan shyqqan Aımurzaevtardy 1-0 esebimen utty. Salaýatty ómir saltyn nasıhattaý arqyly elimizde otbasy qundylyqtaryn saqtaýǵa, baýyrmaldyq qarym-qatynasty nyǵaıtýǵa bolady. Uıymdastyrylǵan fýtbol dodasyna// elimizge tanymal birqatar otbasylar qatysty. Olardyń qatarynda dańqty fýtbolshy Jambyl Kókeev, Qaısar Aımurzaev, Ǵalym Esenbaev bastaǵan komandalar men Tileshovter, Imanǵalıevter otbasylyq toby bar.
Osydan 16 jyl buryn respýblıkalyq «Sport ı KS» gazetiniń bas redaktory, belgili sport jýrnalısi Nesip Júnisbaev qolǵa alǵan básekege elimizdiń barlyq oblysynan 30-ǵa jýyq komanda qatysty. Tipti, kórshi Ózbekstan elinen 2 otbasy arnaıy keldi. Degenmen, olardyń joly bolmady. Іrikteý saıystarynan súrinbeı ótken Joldasovtar men Aımurzaevtar aqtyq synda kezdesip, Nurbolat Joldasovtyń salǵan jalǵyz goly áýletke jeńis syılady. "Bir atanyń balalary fýtbol oınaıdy" atty otbasylyq jarystyń Kókeevterge arnalǵan dop dodasy emes ekenin Aımurzaevtar men Jaqsylyqovtar dáleldep berdi. Jartylaı fınalda Aımurzaevtar oıynnyń sońǵy mınýtynda esepti teńestirip, penaltıden jeńisti julyp ketti. Úshinshi oryn úshin bolǵan saıysta Jambyldan kelgen Jaqsylyqovtar Kókeevterdi 3-1 esebimen utty. Osyǵan deıin alty ret bas júldeni jeńip alǵan Kókeevter tórtinshi oryndy qanaǵat etti. Chempıon atanǵan Joldasovtardyń quramasynda birde-bir kásibı fýtbolshy joq. Biraq olardyń boıynda namys atoılap tur. Jeńiske degen jiger bar. Oıyn barysynda qarsylastar qanshama qulatyp jatsa da, saǵy synbaı, qasqaıyp tura berdi. Osylaısha, Qazyǵurt aýdanyndaǵy Turbat aýylynan shyqqan aýyldyń ór jigitteri respýblıkalyq jarystyń bas júldesin jeńip aldy. Komanda kapıtany Qurman Joldasov úzdik fýtbolshy atandy.
Jarys jeńimpazdary men júldegerlerine joǵary sport sheberligi mektebiniń dırektory Balǵabaı Elshıev pen Rıo olımpıadasyna jankúıerler quramynda qatysqan Dıldahan Isabekov pen Ábdimájıt Syzdyqbekovter arnaıy júlde tabys etti.
