Shymkentte seıften altyn urlaǵan baýkespe ustaldy

ShYMKENT. QazAqparat - Shymkentte polıtseıler  seıfti tonaǵan baýkespeni qolǵa túsirdi. Ustalǵan kúdikti jeke páterdegi seıften 800 myń teńgeniń altyndary men aqsha urlap ketken, dep habarlaıdy QazAqparat tilshisi.

Qalalyq Polıtsııa departamentiniń málimetinshe, úıine ury túsken qala turǵyny ishki ister bólimine aryzdanǵan. Jedel-izdestirý is-sharalary nátıjesinde kúdikti ustalyp, ýaqytsha ustaý oqshaýlaǵyshya qamaldy.

«Tergeý barysynda seziktiniń 4 urlyq oqıǵasyna qatysy barlyǵy anyqtaldy. Atalǵan jaıt boıynsha QR QK-niń 188-baby «Urlyq» boıynsha sotqa deıingi tergeý amaldary júrgizilýde», delingen habarlamada.