Shymkentte senbi-jeksenbi kúnderi qoǵamdyq kólik taǵy toqtatyla ma

NUR-SULTAN. QazAqparat – Pandemııanyń taǵy bir tolqyny bola qalǵan jaǵdaıda taǵy da senbi-jeksenbi kúnderi qoǵamdyq kóliktiń qyzmetin shekteısizder me? Shymkent qalasynyń sanıtarııalyq-epıdemıologııalyq baqylaý departamenti basshysynyń mindetin atqarýshy Aldarqul Ahmetovke Ortalyq kommýnıkatsııalar qyzmetinde ótken brıfıngide osyndaı saýal qoıyldy, dep habarlaıdy QazAqparat tilshisi.

«Jalpy, osy jaz aıynda senbi-jeksenbi kúnderi qoǵamdyq kólikterdiń jumysyn ýaqytsha toqtatqan bolatynbyz. Sebebi ol ýaqytta, bilesizder, Shymkent qalasynda koronaıvrýs ınfektsııasy boıynsha epıdemıologııalyq ahýal kúrdelenip, Shymkent qalasy «qoıý qyzyl» aımaqqa engen bolatyn. Sondyqtan vedomstvoaralyq komıssııanyń sheshimi boıynsha «qoıý qyzyl» aımaqtarda demalys kúnderi qaladaǵy qoǵamdyq kólikterdi toqtatý týraly usynys máselesin qaýlyǵa engizip, senbi-jeksenbi kúnderi qoǵamdyq kólikterdi toqtattyq. Búginde epıdemıologııalyq ahýal sál turaqtanýyna baılanysty senbi-jeksenbi kúnderi qoǵamdyq kólik jumys istep tur», - degen departament basshysy atalmysh sheshim demalys kúnderi qaladaǵy júris-turysty azaıtý úshin qabyldanǵanyn eske saldy.

«Aldaǵy sheshimder epıdemıologııalyq ahýalǵa baılanysty bolady. Kez kelgen sheshimdi vedomstvoaralyq komıssııanyń sheshimderi men respýblıkanyń bas sanıtar dárigeriniń qaýlysyna negizdep shyǵaramyz», - dedi Aldarqul Ahmetov.