Shymkentte Semeı polıgonyna arnalǵan eskertkish taqta ashyldy

ShYMKENT. QazAqparat – Shymkentte jýyrda Semeı polıgonynyń qurbandary men ardagerlerine arnalǵan eskertkish taqtanyń ashylý saltanaty ótti. Jıynǵa ekinshi dúnıejúzilik soǵysy ardagerleri men áskerı qyzmetkerler jəne BAQ ókilderi qatysty, dep habarlaıdy QazAqparat tilshisi.

Eskertkish taqta qalanyń ortalyǵyndaǵy J.Təshenov jáne Beket Batyr kósheleriniń qıylysynda ornatyldy. Saltanatty shara barysynda qalalyq ishki saıasat jəne din isteri basqarmasynyń bólim basshysy Erlan Kerimbekov sóz alyp, eskertkishtiń megapolıs turǵyndary úshin mańyzy zor ekenine toqtaldy. Munan soń «ıAdrolyq soǵys qaýpinen Otan qorǵaýshy-ardagerleri» qoǵamdyq birlestiginiń tóraǵasy Marat Məmbetov jınalǵandardy tarıhı eskertkishtiń ashylýymen quttyqtap, óskeleń urpaq úshin onyń qundylyǵy joǵary ekenin atap ótti.Eske salaıyq, bıyl Semeı polıgonynyń jabylǵanyna 28 jyl tolyp otyr. 1991 jyldyń tamyz aıynda Tuńǵysh Prezıdent, Elbasy Nursultan Nazarbaevtyń bastamasymen Semeı ıadrolyq polıgony jabylǵan bolatyn. Atalǵan polıgonda 1949-1989 jyldar aralyǵynda 456 ıadrolyq synaq júrgizilip, qanshama adam qurban boldy. Búgingi tańda Shymkent qalasynda Semeı ıadrolyq synaq polıgonynda əskerı boryshyn ótegen myńnan astam ardager turady.