Shymkentte segiz jasar balanyń ústine qabyrǵa qulap ketti
ShYMKENT. QazAqparat - Shymkentte segiz jasar balanyń ústine qabyrǵa qulap tústi. Aýyr jaraqat alǵan úshinshi synyptyń oqýshysy oblystyq balalar aýrýhanasyna jetkizildi, dep habarlaıdy QazAqparat tilshisi.
Keleńsiz jaǵdaı jaraqattanǵan balanyń úıiniń mańynda bolypty. Týystarynyń sózinshe, jetkinshek úıiniń janyndaǵy nysannyń qorshaýly turǵan qabyrǵasyna shyqqan. Osy sátte onyń ústine qabyrǵa qulap ketken. Saldarynan balanyń aıaǵy synyp, aýyr jaraqat alǵan. Ol dereý jedel járdemmen aýrýhanaǵa jatqyzylyp, dárigerlerdiń baqylaýyna alyndy. Oblystyq densaýlyq saqtaý basqarmasynyń baspasóz hatshysy Mıra Súleımenovanyń sózinshe, naýqastyń qazirgi jaǵdaıy birqalypty.
«Bastapqy kezde bala jansaqtaý bólimshesine jatqyzyldy. Aıaǵy synýyna baılanysty dárigerler emdik sharalar júrgizdi. Keıin aıaǵyna ota jasalyp, qazir palataǵa aýystyrylǵan. Jaǵdaıyn dárigerler qalypty dep baǵalaýda»,- deıdi basqarmanyń baspasóz hatshysy.
Al, oqıǵa ornyna tártip saqshylary men tótenshe jaǵdaılar qyzmetkerleri kelip, tıisti tekserý sharalaryn júrgizdi. Qabyrǵanyń ne sebepti qulap ketkenin anyqtaýda.
